नीतीश कुमार, राबड़ी देवी, मंगल पांडेय आ संतोष सुमन सहित सभ ११ उम्मीदवार एक बेर फेर एमएलसी बनि गेल छथि। निर्वाचित सदस्यमे तीनटा भाजपा, दूटा जेडीयू, चारिटा राजद, एक-एक माले आ हम पार्टीक छथि।
बिहार विधान परिषद चुनावक लेल सभ ११ उम्मीदवार निर्विरोध चुनल गेल छथि। ११ सीटपर ११ उम्मीदवार चुनाव लड़लाक कारणेँ एहि सभकेँ निर्विरोध निर्वाचित घोषित कऽ देल गेल। नीतीश कुमार, राबड़ी देवी, मंगल पांडेय आ संतोष सुमन सहित सभ ११ उम्मीदवार एक बेर फेर एमएलसी बनि गेल छथि। निर्वाचित सदस्यमे तीनटा भाजपा, दूटा जेडीयू, चारिटा राजद, एक-एक माले आ हम पार्टीक छथि।
सभकेँ विजयक प्रमाणपत्र भेटल
नीतीश कुमार अपन प्रमाणपत्र लेबाक लेल विधानसभा सचिवालय पहुंचलाह। हुनका सङ्ग निकट सहयोगी राजीव रंजन उर्फ ललन सिंह आ उपमुख्यमंत्री सम्राट चौधरी एवं विजय कुमार सिन्हा सेहो छलाह।
जखनि कि पूर्व मुख्यमंत्री राबड़ी देवी अपन विश्वसनीय नेता भोला यादवकेँ प्रमाणपत्र लेबाक लेल पठौलनि। ओ स्वयं नहिं पहुँचलीह। एकरा संग सभ ११ उम्मीदवारकेँ विजयक प्रमाण पत्र भेटि गेल।
अब्दुल बारी सिद्दीकी, डॉ. उर्मिला ठाकुर आ सैयद फैसल अली राजद उम्मीदवार छलाह। भाकपा-मालेक एकटा उम्मीदवार शशि यादव सेहो अपन नामांकन दाखिल कयने छलाह। भाजपा मंगल पाण्डेय, डॉ. लाल मोहन गुप्ता आ अनामिका सिंहकेँ अपन उम्मीदवारक रूपमे मैदानमे उतारने छल। मुख्यमंत्री नीतीश कुमार आ खालिद अनवर जेडीयू कोटासँ उम्मीदवार छलाह।
