मिथिला क्षेत्रीय बिहारक मधुबनी, वीरपुर, मुंगेर सहित बिहारक कतेको आओर शहरमे छोट-छोट हवाई अड्डाक निर्माणक रास्ता साफ भऽ गेल अछि। मंगलदिन राजधानी पटनामे आयोजित बिहार मंत्रिमंडलक बैसारमे एहि शहरमे छोट-छोट हवाई अड्डाक संबंधमे भारतीय हवाई अड्डा प्राधिकरणक संग समझौता ज्ञापन पर हस्ताक्षर करबाक मंजूरी देल गेल।
बिहारक मुख्यमंत्री नीतीश कुमारक अध्यक्षतामे बिहार मंत्रिमंडलक एहि बैसारमे बहुत रास महत्वपूर्ण फैसलाकेँ मंजूरी देल गेल।
मुख्यमंत्रीक अध्यक्षतामे बिहार मंत्रिमंडलक एहि बैसारमे बहुत रास महत्वपूर्ण फैसलाकेँ मंजूरी देल गेल अछि। एहि बैसारमे मुख्यमंत्रीक संग मंत्रिमंडलक सबटा मंत्री मौजूद छलाह। एहि बैसारमे कुल 20टा एजेंडाकेँ मंजूरी देल गेल अछि। एहि बैसारमे ‘उडान’ योजनाक तहत मधुबनी, वीरपुर, मुंगेर, वाल्मीकी नगर, मुजफ्फरपुर आ सहरसामे छोट हवाई अड्डा विकसित करय लेल भारतक हवाई अड्डा प्राधिकरण, नई दिल्ली आ राज्य सरकारक बीच समझौता ज्ञापनकेँ मंजूरी देल गेल अछि।
कैबिनेट केर बैसारमे राज्यक खेल अकादमी आ अंतर्राष्ट्रीय क्रिकेट स्टेडियम, राजगीरक खेल प्रशिक्षक संवर्ग नियम २०२५ केँ सेहो मंजूरी देल गेल।
एकर अलावा ई मंत्रिमंडलक बैसारमे बिहार पुलिस केर अंतर्गत गठित स्पेशल ऑक्जिलरी पुलिसमे बहाल कयल गेल भारतीय सेना केर १७१७ सेवानिवृत्त सैनिकक कार्यबल केर अनुबंध अवधिक सेहो वित्तीय वर्ष २०२५-२०२६ धरि बढ़ा देल गेल अछि। एही बैसारमे राज्य खेल अकादमी आ अंतर्राष्ट्रीय क्रिकेट स्टेडियम, राजगीर केर खेल प्रशिक्षक संवर्ग नियम २०२५ केँ सेहो मंजूरी देल गेल आ बैसारमे पटनामे होटल पाटलिपुत्र अशोकक भूमि पर जन-निजी भागीदारीक माध्यमसँ पांच सितारा होटलक निर्माण लेल आधारभूत संरचना विकास प्राधिकार द्वारा अनुमोदित रियायती इकरारनामा दस्तावेजक आधार पर सफल निविदाकर्ताकेँ लेटर ऑफ अवार्ड निर्गत करबाक स्वीकृति दऽ देल गेल अछि।
कैबिनेटक एही बैसारमे राजस्व आ भूमि सुधार विभागक सुझाव देबा आ मसौदा तैयार करबा लेल, जटिल ओ कठिन मामिलाकेँ सलाह, सुझाव आ मसौदा तैयार करय लेल ‘‘राजस्व सलाहकार समिति’ केर गठनक प्रस्तावकेँ सेहो मंजूरी देल गेल। एकर अलावा शिक्षा विभागक तहत विकासात्मक गतिविधीकेँ क्रियान्वयन आ निगरानी लेल अनुबंधक आधार पर सलाहकार बैंककेँ तीन पद बनाबय लेल मंजूरी सेहो देल गेल।
