2020 मे सेहो एआईएमआईएमक नेतृत्वमे तेसर मोर्चा बनल, जाहिमे बसपा आ उपेंद्र कुशवाहाक पार्टी शामिल छल। तेसर मोर्चा पर छह सीट भेटल। असदुद्दीन ओवैसीक पार्टी एआईएमआईएम बिहार विधानसभा चुनाव 2025 केर लेल एकटा पैघ रणनीति पर काज कय रहल अछि, योजनाक अनुसार मानल जा रहल अछि जे पार्टी बिहारमे तेसर मोर्चा बनेबाक तैयारी शुरू कय देलक अछि। पार्टीक राष्ट्रीय प्रवक्ता आदिल हसन मंगलदिन (12 अगस्त 2025) जानकारी देलनि जे एआईएमआईएम बिहारमे 100 सीट पर विधानसभा चुनाव लड़य चाहैत अछि।
आदिल कहलनि जे, “बिहार नेतृत्व 100 सीटक सूची ओवैसी साहबकेँ सौंप देलक अछि। अंतिम फैसला हुनका लेबय पड़त, मुदा हम सब 100 सीटक लेल तैयार छी। हम सब राजदक संग गठबंधन चाहैत छलहुं, इंडी गठबंधनमे प्रवेश चाहैत छलहुं, ताकि धर्मनिरपेक्ष वोटक कोनो बिखराव नहि होय। हमर पार्टीक बिहार अध्यक्ष आ विधायक अख्तरूल इमान साहब लालू यादवकेँ चिट्ठी सेहो लिखने छलाह, मुदा राजद दिसिसँ कोनो जवाब नहिं देल गेल, ताहि लेल आब हम सब तेसर मोर्चा बनेबाक तैयारी शुरू कय देलहुँ अछि।
सवाल अछि जे तेसर मोर्चामे कोन-कोन दल रहत ? आदिल हसन कहलनि जे, जे कोनो पार्टी भाजपा सहित एनडीए केर हराबय चाहैत अछि ओ हमरा सबसँ जुड़ि सकैत अछि। हम बहुजन समाज पार्टी, चंद्रशेखरक आजाद समाज पार्टी, आईपी गुप्ताक इन्क्विलाब पार्टीसँ संपर्क कय चुकल छी। हम किछु आओर पार्टीसँ सेहो बातचीत करयमे लागल छी। गठबंधनक लेल बातचीत चलि रहल अछि। जल्दिये तेसर मोर्चा आकार लेत।
बताबी जे तेसर मोर्चा बनेबाक अभ्यासमे जाति समीकरणक संतुलन बनेबा पर विशेष ध्यान देल जा रहल अछि । 2020 मे सेहो एआईएमआईएमक नेतृत्वमे तेसर मोर्चा बनल, जाहिमे बसपा आ उपेंद्र कुशवाहाक पार्टी शामिल छल। तेसर मोर्चाकेँ छह सीट भेटल।
जँ ओवैसीक पार्टी एहि बेर बेसी सीट पर चुनाव लड़त तँ महागठबंधन केर नुकसान भऽ सकैत अछि आओर एनडीएकेँ फायदा भऽ सकैत अछि किएक तँ मुस्लिम वोटमे फूट भऽ सकैत अछि। बिहारमे मुसलमान करीब 17 प्रतिशत अछि। पिछला विधानसभा चुनावमे एमआईएम राजदक मुस्लिम वोट बैंकमे भारी क्षति कयने छल। मुस्लिम बहुल क्षेत्रमे ओवैसीकेँ पांच सीट भेटल छल।
