भारत-कतर बीच संबंधकेँ आरो मजबूती पर सहमति आ व्यापार, ऊर्जा एवं सांस्कृतिक सहयोग पर जोर

नई दिल्ली । समदिया

भारत आ कतर व्यापार, ऊर्जा आ सांस्कृतिक सहयोग जेकाँ महत्वपूर्ण क्षेत्रमे अपन रणनीतिक संबंधकेँ आरो मजबूत करए लेल प्रतिबद्धता दोहरौलक अछि। ई फैसला ओहि समय भेल, जखनि पेट्रोलियम आ प्राकृतिक गैस मंत्री हरदीप सिंह पुरी दोहामे अपन दू दिनक आधिकारिक यात्रा दौरान उच्च स्तरीय बैठक सभ कएलथि।

पुरी 9 अप्रैलकें दोहा पहुँचल छलाह आ ओ कतरक ऊर्जा मामिलाक राज्य मंत्री आ कतर एनर्जीक अध्यक्ष आ सीईओ साद शेरिडा अल-काबीसँ भेंट कएलथि। एहि दौरान दुनू पक्ष द्विपक्षीय संबंधक सभ पहलू पर समीक्षा कएलक।

बैठकमे उच्च स्तरीय संपर्क, व्यापार आ निवेशक अवसर, ऊर्जा सहयोग, सांस्कृतिक संबंध आ लोक-सँ-लोक संपर्क जेकाँ मुद्दा पर चर्चा भेल, जे भारत-कतर साझेदारीक गहराईकें दर्शाबैत अछि। मंत्रालयक अनुसार, दुनू नेता सभ एहि सभ क्षेत्रमे सहयोग बढ़ेबा पर विस्तारसँ बात कएलथि आ भविष्यमे संबंधकें आरो मजबूत करए केर दिशामे काज करए पर सहमति जतौलनि।

दुनू देश क्षेत्रमे जल्दी शांति आ स्थिरता बहाल होबयकें उम्मीद जतौलक आ द्विपक्षीय संबंधकें आरो आगाँ बढ़ेबा पर जोर देलक। एहि दौरान पुरी प्रधानमंत्री नरेंद्र मोदीक तरफसँ कतरक अमीर तमीम बिन हमद अल-थानी आ प्रधानमंत्री एवं विदेश मंत्री शेख मोहम्मद बिन अब्दुलरहमान अल-थानीकें शुभकामना आ एकजुटताक संदेश देलनि।

ओ मार्च 2026 मे प्रधानमंत्री मोदी आ कतरक अमीरक बीच भेल टेलीफोन बातचीतक जिक्र सेहो कएलथि, जाहिमे दुनू नेता क्षेत्रमे शांति आ स्थिरता बनल राखए लेल संवाद आ कूटनीति पर जोर देने छलथि। प्रधानमंत्री मोदी कतरमे रहैत भारतीय समुदायकें भेटि रहल सहयोग लेल आभार सेहो व्यक्त कएलनि।

बैठकक दौरान दुनू मंत्री क्षेत्रमे जल्दी शांति बहाल होबएकें उम्मीद जतौलनि आ द्विपक्षीय सहयोगकें आरो मजबूत करए पर सहमति जतौलनि। अल-काबी भारत लेल कतरक एकटा भरोसामंद ऊर्जा साझेदारक रूपमे अपन प्रतिबद्धता दोहरौलनि आ ऊर्जा क्षेत्रमे लगातार सहयोग जारी राखए पर जोर देलनि।

दुनू नेता 8 अप्रैलकेँ घोषित दू सप्ताहक सीजफायरकें स्वागत कएलनि आ वैश्विक ऊर्जा आपूर्ति बिना बाधा जारी राखएकें आवश्यकता पर जोर देलनि। ओ समुद्री मार्गक स्वतंत्रता आ वैश्विक व्यापारकें सुचारु संचालन बनल राखए केर आवश्यकता पर सेहो बल देलनि, जाहिसँ सप्लाई चेन स्थिर रहि सकए।

पुरी कतर सरकार द्वारा भेटल आतिथ्य लेल धन्यवाद देलनि आ दुनू पक्ष आबए वाला सप्ताह सभमे संपर्कमे रहए आ साझा हितकें आगाँ बढ़ेबा पर सहमति जतौलनि।