मौसम विभाग बिहारक कतेको जिलामे भारी बरखाक चेतौनी जारी कयलक अछि। कैमूर, रोहतास, किशनगंज, अररिया, पूर्णिया आ बक्सर जिलामे अन्हर-बिहारि आ बरखाक चेतावनी जारी कएल गेल अछि।
मानसून आब पूरा बिहारकेँ कवर कय लेलक अछि। मौसम विभागक पूर्वानुमानक अनुसार अगिला 36 घंटा धरि मानसून सक्रिय रहबाक उम्मीद अछि। एहि दौरान बहुतो जिलामे ठनका केर संग भारी बरखाक संभावना अछि। बरखाक समय बिजली गिरय केर संभावना प्रबल अछि।
मौसम विभागक कहब अछि जे राज्यक कैमूर, रोहतास, औरंगाबाद, किशनगंज, अररिया, पूर्णिया आओर बक्सर जिलामे आइ रविकेँ भारी बरखाक संभावना अछि। एहि जिला सभक लेल येलो अलर्ट जारी कएल गेल अछि। एहि दौरान एहि जिला मे 30-40 किलोमीटरक रफ्तारसँ तेज हवा सेहो बहत।
मौसम विभाग आइ लेल पांच जिलामे भारी बरखाक लेल येलो अलर्ट जारी कयलक अछि। राज्यक किशनगंज, अररिया, सुपौल, बांका आ भागलपुर जिलामे बहुत भारी बरखा केर संभावना अछि। राज्यक पूर्वोत्तर आ दक्षिण पश्चिमी भाग केर जिलामे किछु जगह पर गरज, बिजली आ तेज हवा (३०-४० किलोमीटर प्रति घंटा) केर संभावना अछि। राज्यक पश्चिम चंपारण, पूर्वी चंपारण आ सीतामढ़ी जिलाक किछु जगह पर सेहो बहुत भारी बरखाक संभावना अछि।
आइ राज्यक पूर्णिया, कटिहार, जमुई, मुंगेर, खगड़िया, नवादा, शेखपुरा आओर मधेपुरा जिलामे सेहो भारी बरखा दर्ज कएल जा सकैत अछि। एहि जिला सभक लेल येलो अलर्ट जारी कएल गेल अछि।
काल्हि सोमकेँ बिहारक मुंगेर, शिवहर, गोपालगंज, मुंगेर, समस्तीपुर, किशनगंज, अररिया, सुपौल आओर मधेपुरा जिलामे भारी बरखा भऽ सकैत अछि। एकरा लेल मौसम विभाग पीला अलर्ट जारी कयलक अछि। एहि दौरान तेज हवा 30-40 किलोमीटरक रफ्तारसँ बहत।
भारी बरखाक कारण निचला इलाकामेँ बाढ़ि आबि सकैत अछि। अतः जिला प्रशासन निचला इलाका आ बाढ़ि प्रवण क्षेत्रमे रहय वाला लोककेँ सतर्क रहय लेल कहलक अछि। बरखाक बाद नदीक जल स्तर जल्दी बढ़ि सकैत अछि आओर सड़क पर पानि भरबाक संभावना अछि। झारखंडमे भेल भारी बरखाक असरि राज्यसँ सटल बिहारक लोक पर सेहो पड़ल अछि।
