बृहस्पतिकेँ मिथिला क्षेत्रीय बिहारक सीतामढ़ी जिलाक बाजपट्टी थाना क्षेत्रक बाजपट्टी गोट निवासी अब्दुल अलीमकेँ राष्ट्रीय जांच एजेंसी (एनआईए) पूछताछ लेल ओकर घरसँ उठा कऽ लऽ गेल। पुलिस सूत्रक अनुसार, ५ घंटाक पूछताछक दौरान ओकरा प्रतिबंधित आतंकवादी संगठन जैश-ए-मोहम्मदसँ जुड़ल मामिलाक विषयमे पूछताछ कयल गेल।
असममे रचल जा रहल पैघ षड्यंत्रक खुलासा करैत एनआईए ५ अक्टूबर २०२४केँ गोलपारा असमक निवासी शेख सुल्तान सलाहुद्दीन अयूब अयूबीकेँ गिरफ्तार कयलक। प्रतिबंधित आतंकवादी संगठन जैश-ए-मोहम्मदसँ जुड़ल मामिलाक जाञ्चक क्रममे एनआईए ओकर नेटवर्कक पता लगाबय लेल देशक पाँच राज्यक १९ स्थानपर छापा मारलक।
पूछताछ आ जाँचक दौरान सीतामढ़ी जिलाक बाजपट्टी थाना क्षेत्रक बाजपट्टी गोट निवासी अब्दुल अलीमक नाम सामने आयल। कहल जाइत अछि जे ओ अयूबीक टेलीग्राम समूहक प्रशासकएजेंसीक अभियान आतंकवादी प्रचार प्रसार आ चरमपंथी गतिविधिक मुकाबला करबाक प्रयासपर केन्द्रित अछि।
एनआईएसँ पूछताछक बाद राज्यमे स्थित आतंकवाद-रोधी दस्ता एटीएसक अधिकारी पूछताछ लेल अब्दुलक घर पहुँचल। एटीएस अब्दुलसँ लगभग ४ घंटा धरि विभिन्न बिन्दुपर सूचना लेलक आ फेर ओकरा पीआर बॉन्ड पर छोड़ि देलक। ओकर बाद एटीएस केर अधिकारी वापस आबि गेल।
बाजपट्टी थानामे पूछताछक क्रममे टीम अब्दुल अलीमक मोबाइल जब्त कऽ जाँचक लेल राखि देलक। जाञ्चक क्रममे एजेन्सीक अधिकारीसभकेँ पता चलल जे मोबाइलक किछु डाटा हटा देल गेल छल आ अब्दुल जाँच एजेन्सीक अधिकारीसभकेँ छल करबाक प्रयास सेहो कयलनि।
ओतहि जाँच एजेंसीक अधिकारी पूछताछक दौरान अब्दुलसँ पुछलखिन कि ओ पाकिस्तानक कतेको अज्ञात लोकसँ बात कयलक अछि, जकर आंकड़ा एनआईए अधिकारी लग अछि। संगहि तीन दिनक पूरा डाटा हटा देल गेल। आब फोरेंसिक जाञ्चक बाद अब्दुलक पाकिस्तान संबंधक सबूत एकत्र कयल जा रहल अछि आ आगू कारवाई कयल जा रहल अछि। अब्दुल अलीम चिकनक कारोबारी अछि।
