एनटीएक महानिदेशक सुबोध कुमार सिंहक ई बयान नीट २०२४क परिणाममे कथित अनियमितता पर चलि रहल राजनीतिक बीच आयल अछि। ओ छात्रसभकेँ आश्वासन देलनि जे ग्रेस मार्क्स प्राप्त करयवला अभ्यर्थीक परिणामक फेरसँ जाँच करबाक लेल एकटा समितिक गठन कयल गेल अछि आ हुनकर सभ समस्याक समाधान कयल जायत।
ओ कहलनि जे परीक्षा ५ मईकेँ भेल छल आ परीक्षाक परिणाम ४ जूनकेँ आयल छल। किछु उम्मीदवार परिणाम पर सवाल उठौलनि। ओहि उम्मीदवारक प्रश्न हल भए गेल अछि। ई देशक सबसँ पैघ परीक्षा छल। नीट परीक्षामे ग्रेस मार्क्स प्राप्त करयवला १५०० सँ बेसी अभ्यर्थीक परिणामक फेरसँ जाँच करबाक लेल एकटा समितिक गठन कयल गेल अछि। ई समिति उम्मीदवारक शिकायतक विश्लेषण करत, आ समाधान करबाक भरसक प्रयास करत।
उच्च शिक्षा सचिव के. संजय मूर्ति कहलनि, “हमर समिति एकटा बैसार कयलक आ केंद्र आ सीसीटीवीक सभ विवरण देखलक। एहि दौरान ओ पओलनि जे किछु परीक्षा केंद्र पर समयक बर्बादी भेल अछि आ अभ्यर्थी सभकेँ एकर क्षतिपूर्ति देल जेबाक चाही। समिति सोचलक जे ओ शिकायतक निपटारा कऽ सकैत अछि आ छात्रसभकेँ क्षतिपूर्ति दऽ सकैत अछि। अतः किछु छात्रक अंक बढ़ाओल गेल।
ओ कहलनि “हम सभ चीजक सावधानीपूर्वक विश्लेषण कयलौंह आ परिणाम जारी कयलहुँ। एहन समस्या ४७५० मे सँ मात्र ६ केंद्र धरि सीमित छल आ २४ लाखमे सँ मात्र १६०० उम्मीदवारकेँ एहि समस्याक सामना करय पड़ल। छात्रसभकेँ ग्रेस मार्क्स देबाक कारणेँ किछु छात्रक चिन्ता सोझाँ आयल, किएक तँ किछु अभ्यर्थी ७१८ आ ७१९ अंक प्राप्त कयलनि आ ६ उम्मीदवार टॉपर बनि गेलथि।
ओ आगू कहलनि जे पूरा देशमे एहि परीक्षाक पवित्रतासँ समझौता नहिं कयल गेल अछि। नीटक कोनो पेपर लीक नहिं भेल अछि। पूरा परीक्षा प्रक्रिया बहुत पारदर्शी रहल अछि। हम परीक्षामे शामिल होबय बला सभ अभ्यर्थीकेँ आश्वस्त करय चाहब जे हुनकर चिंताकेँ गंभीरतासँ लेल जा रहल अछि।
