महाराष्ट्रक उपमुख्यमंत्री आ राष्ट्रवादी कांग्रेस पार्टी (एनसीपी) केर प्रमुख अजित पवार 26/11 मुंबई आतंकवादी हमलाक आरोपी तहव्वुर राणाकेँ भारत आनय पर कहलथि जे ओहि हमलाक पीछाक मास्टरमाइंड के अछि ?
अजित पवार शुक्रकेँ पुणेमे मीडियासँ बातचीत करैत कहलथि, “जखनि 26/11 हमला भेल छल, तखनि हमहुँ मुंबईमे छलहुँ। ओहि दौरान हम घटना स्थल सेहो देखलहुँ। हम ई पता लगाबऽ केर कोशिश कएलहुँ जे घटनाक पाछू असली मास्टरमाइंड के अछि। आब हम तहव्वुर राणाकेँ पकड़ि लेलौंह अछि आ ओ बताओत जे घटनाक पाछा असली कारण की छल आ एकर पाछाँक मास्टरमाइंड के छल, जे ओकरा एहेन घटना करबाक निर्देश देलक।”
तहव्वुर हुसैन राणाकेँ बृहस्पतिक साँझ अमेरिकासँ भारत लाएल गेल अछि। राष्ट्रीय जाँच एजेंसी (एनआईए) नई दिल्ली केर आईजीआई एयरपोर्ट पर पहुँचतहि ओकरा हिरासतमे लेलक। तकर बाद राणाकेँ पटियाला हाउस स्थित एनआईए केर विशेष अदालतमे पेश कएल गेल, जत’ सँ ओकरा 18 दिनक हिरासतमे पठाओल गेल अछि।
एनआईए आब राणासँ 2008 केर मुंबई हम्लाक साजिशक बारेमे विस्तृत पूछताछ करत, जाहिमे 166 लोकक मृत्यु भेल छल आ 238 लोक घायल भेल छल। राणाकेँ लॉस एंजेलिससँ एनआईए आ राष्ट्रीय सुरक्षा गार्ड (एनएसजी) केर टीम संग एकटा विशेष विमानसँ भारत आनल गेल। अमेरिकामे राणा अपन प्रत्यर्पण रोकबाक लेल कतेको कानूनी प्रयास कएलक, जाहिमे अमेरिकी सुप्रीम कोर्टमे आपातकालीन याचिका सेहो शामिल छल। हालांकि, सब याचिकाक खारिज भेला क’ बाद प्रत्यर्पण संभव भ’ सकल।
भारतक विदेश मंत्रालय आ गृह मंत्रालय अमेरिकी अधिकारीक संग मिलि क’ एहि प्रक्रियाकेँ पूरा कएलक। एनआईए राणाक प्रत्यर्पण लेल सालो प्रयास कएलक। एजेंसी अमेरिका केर एफबीआई, न्याय विभाग (यूएसडीओजे) आ अन्य एजेंसी सभ संग मिलि क’ काज कएलक। राणा पर आरोप अछि जे ओकर मुम्बई हमलाक साजिशमे महत्वपूर्ण भूमिका छल।
