बैच २६७ सँ २७० धरिक ‘मिथिलाक्षर प्रवीण’ अभियानीक जानकारी
*
कार्यालय समदिया
*
मैपुप्र समदियाकेँ मिथिलाक्षर साक्षरता अभियानक वरिष्ठ उत्कृष्ट संजीवनी संरक्षिका रुनू (आभा) मिश्रा आ वरिष्ठ उत्कृष्ट संजीवनी संरक्षक कृष्ण कान्त झा बतौलनि जे विगत २२ नवम्बर २०२४ केँ नि: शुल्क मिथिलाक्षर साक्षरता अभियानक २८६म बैच आरंभ भेल। संरक्षक प्रदीप कुमार केर मोताबिक बैचमे सम्मिलित अभ्यासार्थी तीन महिना अर्थात ९० दिन तक सतत what’s app केर माध्यमे अभ्यास करथिन आ एहि अंतर्गत तीनटा परीक्षा उत्तीर्ण भेलाक बाद ‘मिथिलाक्षर प्रवीण’ हेथिन। मार्गदर्शक सुधीर यादव मैपुप्र समदिया केर बतौलनि कि ई सभ अप्पन समय अनुसार २४ घंटामे कखनो मात्र दसो मिनट समय निकालि देल गेल प्रतिदिनक अभ्यास पुरा कय लेथिन तऽ हँसैत-खेलैत मात्र तीन महिनामे मिथिलाक्षरमे प्रवीण भऽ धुरझार मिथिलाक्षर लिखय-पढ़य लगथिन।
मैपुप्र समदिया केर संरक्षिका आभा मल्लिक कहलनि जे अभियानमे पुरुष वर्ग आ स्त्री वर्गक अलग-अलग वर्ग संचालन होइत अछि, अभियानी सभकेँ स्वेच्छा अनुसार अभ्यास भेजय केर सुविधा छनि, चौबिसो घंटामे मुदा कखनौंह ओहि दिनक अभ्यास भेजय केर रहैत छनि।
वरिष्ठ उत्कृष्ट संरक्षक राघव मिश्र अभियानक धरातलीय कार्यशाला सभक जानकारी देलनि। शहर-नगर-महानगर एवं धरातल मिथिलाक विभिन्न जिला सभमे ओतय केर उपस्थित अभियानी कार्यशालाक द्वारा मिथिलाक्षरक ज्ञान पसारैत छथि, मिथिलावासीकेँ प्रेरित करैत छथि।
वरिष्ठ संरक्षक शंकर नाथ मिश्र वर्ग संचालनक विषयमे बतौलनि जे “मार्गदर्शक, निर्देशक, संरक्षक सभ द्वारा वर्गक संचालन होइथ अछि, जेना हम कतेको वर्गमे अभ्यास भेजैत छी, अभ्यासमे अक्षर आ शब्द सभक सुन्दर इमेज भेजल जाइत छैक एवं गुरुजीक विडियो जाहिमे बहुत टेक्निकल एवं रोचक ढ़ंगसँ लिखय केर तरीका बताओल रहैत छैक। तहिना कोनो निर्देशक हाजरी बनबैत छथि, मार्गदर्शक सभ अभ्यासार्थी द्वारा भेजल गेल अभ्यासक मार्गदर्शन करैत छथि। सभ वर्गमे एकटा वरिष्ठ संरक्षक मुख्य पर्यवेक्षक रहैत छथि।
वरिष्ठ संरक्षक विक्रम आदित्य सिंह हालक उत्तीर्ण भेल मिथिलाक्षर प्रवीण सभक नामक जानकारी देलनि, क्रमशः बैच २६७ मे -:स्वाति झा (पोखरौनी, रहिका, मधुबनी), रुपा कुमारी (दुर्ग, छत्तीसगढ़), अनुजा कुमारी (बलहा, राजनगर, मधुबनी), नमिता कुमारी : रतनपुर, दरभंगा (निवास : समस्तीपुर, बिहार), रुचि कुमारी (महिनाथपुर, मधुबनी), जयश्री कुमारी (झंझारपुर, मधुबनी, बिहार)। बैच २६८ मे -: सरोज कुमार मंडल (रामपट्टी, राजनगर, मधुबनी), दिनेश कुमार झा (तिनसुकिया, असम), गौतम कुमार (दरभंगा), सोनी दास (भिवाड़ी), मनीषा कुमारी (रतौल, मधुबनी), पिंकी झा (सोनारी, जमशेदपुर), लक्ष्मी कुमारी (कुशेश्वरस्थान, दरभंगा), निशा कुमारी (रतौल, मधुबनी)। बैच २६९ मे अमरेन्द्र कुमार (फरीदाबाद)। बैच २७० मे -: कृष्ण कुमार (अरगा, बहेड़ी, बिरौल, दरभंगा), रश्मि दास (सुपौल, मधुबनी), पुण्य नाथ झा (जमशेदपुर), भवेश झा (सीतामढ़ी), राजेश कुमार झा (लुधियाना, पंजाब), अरुण कुमार झा (द्वारका, नई दिल्ली), सरोज कुमार लाल कर्ण (काठमांडू, नेपाल), चांदनी झा (पटेल नगर, पटना), बबीता प्रसाद (बहेरा), पुष्पा कुमारी (दरभंगा) मिथिलाक्षर प्रवीण भेलैथ।
परीक्षक सभ क्रमशः संरक्षिका आभा मल्लिक ९२/१३९, संरक्षक प्रदीप कुमार ९२/१७२, संरक्षिका माधुरी झा ६४/११२, संरक्षक नरेश कुमार दास ३०/४५ आ संरक्षिका प्रेमलता झा ६०/१०१ छथि।
नि: शुल्क मिथिलाक्षर आनलाईन सिखय लेल एहि नंबर पर अपन नाम आ what’s app नंबरक संग संदेश दिअ :- 7004773005
