पटनामे अपराधी सभक आतंक दिनानुदिन बढ़ल जा रहल अछि, मानू एहेन लगैत अछि जे अपराधीक नियंत्रणमे प्रशासन अछि।
टटका समाचार सभक हृदयकेँ दहला देबयवाला हृदयविदारक अछि। पटना एम्सक नर्सक दू टा बच्चाकेँ हुनक घरमे घुसि कऽ ओकर हत्या अत्यंत दर्दनाक तरीकासँ कय देल गेल अछि। बच्चा सभकेँ जिन्दा जरा देल गेल अछि।
सूचना भेटलाक बाद पुलिस घटनास्थल पर पहुँचल आ दुनू बच्चाक शव पर कब्जा कऽ लेलक। कहल जाइत अछि जे अपराधी सभ एहि घटनाक अंजाम तखनि देलक जखनि बच्चा सभ घरमे असगर छल।
पटनाक जानीपुर थाना क्षेत्रमे अपराधी सभ घरमे घुसि एम्स नर्सक दूटा बच्चाकेँ जिन्दा जरा देलक। मृतक बच्चाक नाम अंजलि आ अंश अछि। ई सभ जानीपुरक निवासी शोभा आ ललन कुमार गुप्ताक सन्तान छलथि। ई घटना बृहस्पति दिन दुपहरियामे भेल।
सूचना भेटलाक बाद पुलिस घटनास्थल पर पहुँचल आ दुनू बच्चाक शव अपन कब्जामे लेलक। संगहि उपद्रवी सभक एहि कृत्यक बाद स्थानीय लोकमे आक्रोश अछि। कहल जा रहल अछि जे अपराधी सभ जखनि एहि घटनाक अंजाम देलक तखनि बच्चा सभ घरमे असगर छल आ तुरन्त स्कूलसँ आयल छल। पुलिस एहि मामिलाक जांच शुरू कऽ देलक अछि।
एहि मामिलामे फुलवारी शरीफक डीएसपी-२ दीपक कुमार कहैत छथि, “दूटा बच्चाकेँ जरा कऽ मारि देबाक घटना सोझाँ आयल अछि। हम घटनास्थल पर छी। हम तकनीकी पहलूक सेहो जांच कए रहल छी। एहि संबंधमे एकटा टीम सेहो बजाओल गेल अछि। शुरुआती जांचसँ पता चलैत अछि जे बच्चा घरमे असगर छल।
