आ आब मिथिलाक्षर साक्षरता अभियानक ‘मधुबनी जिला इकाई’क पदाधिकारी गणक चयन
मधुबनी समदिया!! ठाम-ठामक इकाई (युनिट) केर गठनक अंतर्गत आब ‘मैथिल पुनर्जागरण प्रकाश फोरम’क चर्चित उपक्रम ‘मिथिलाक्षर साक्षरता अभियान’क ‘मधुबनी जिला इकाई’क गठनक जनतब भेटल अछि।
प्राप्त जनतबक अनुसार २६ जनवरी, सोमकेँ दस सदस्यीय टीमक गठन भेल अछि आ पदाधिकारीगणक नामक घोषणा भेल अछि। आगू एकर विस्तारक सेहो जनतब अछि।
दस सदस्यीय पदाधिकारीगणमे क्रमशः ०१) संरक्षक विवेक चन्द्र मिश्र ११/१४ : अध्यक्ष (President), ०२) संरक्षक नवल किशोर कुमार महतो १५/१८ : कार्यकारी उपाध्यक्ष (Executive Vice President), ०३) संरक्षक इन्द्रदेव चौधरी,३०/६१ : महासचिव (Secretary General), ०४) संरक्षक बमबम मिश्र ३१/८१ : सचिव (Secretary), ०५) संरक्षिका मालती कुमारी ५६/९२ : अपर सचिव (Additional secretary), ०६) संरक्षक पुष्पेन्द्र कुमार,७५/१४० : संयुक्त सचिव (Joint Secretary), ०७) संरक्षक संजय झा ९०/१८३ : उपसचिव (Deputy Secretary), ०८) सुभाष चौधरी टुन्ना ८५ : अवर सचिव (Under Secretary), ०९) राकेश कुमार दास २५९ : सहायक सचिव (Assistant Secretary) आ १०) शुभ नारायण मिश्र २८१ : कार्यकारी समिति सदस्य (Executive Committee Member) केर रुपमे चयनित भेलथि।
जनतब जे मैथिल पुनर्जागरण प्रकाश फोरम मिथिला क्षेत्रमे अनेक पुनर्जागरण अभियान चला रहल अछि, ताहिमे ‘मिथिलाक्षर साक्षरता अभियान’ एकटा सशक्त अभियान अछि आ एहिमे आब दृश्य पहिचानक लेल ‘मिथिलाक पहिचान मिथिलाक्षर निशान’ अपन गति बढ़ौने अछि, संगहि फोरमक आर एकटा उपक्रम ‘सांस्कृतिक संरक्षण पुनर्जागरण अभियान’केँ पंचायत स्तर पर गतिमान करय हेतु नियार भेल अछि एवं क्रियान्वयनक काज शुरू छैक। एहि लेल प्रथमतः प्रखंड स्तरीय शाखा एवं पुनः पंचायत स्तरीय शाखाक निर्माण होएत एवं सांस्कृतिक संरक्षणक लेल जागरूकता अभियान चलाओल जाएत।