बिहारक मधेपुरा जिलाक मुरलीगंज थाना क्षेत्रक प्रसादी चौक पर रविदिन भोरे एकटा ट्रैक्टर आ एकटा ई-रिक्शा आमने-सामने टकरा गेल। जाहिमे एकटा युवकक मृत्यु भऽ गेल। जखन कि चारि गोटे गंभीर रूपसँ बताओल जा रहल अछि। मृतकक पहिचान भागलपुर जिलाक औलियाबादक निवासी कपिल देवक पुत्र २३ वर्षीय संजीत कुमारक रूपमे भेल अछि। दुर्घटनामे घायलसभकेँ प्राथमिक उपचारक बाद मेडिकल कॉलेजमे रेफर कऽ देल गेल अछि।
स्थानीय लोकक कहब अछि जे संजीत कुमार अपन सासुर बिहारीगंज थाना क्षेत्रमे कठौतियासँ ई-रिक्शासँ ट्रेन पकड़य लेल मुरलीगंज रेलवे स्टेशन जा रहल छलथि। मुरलीगंजमे ओ आ हुनक संगी मजदूरीक लेल अमृतसर जयबाक लेल ट्रेन पकड़य जा रहल छलथि। तखनि मुरलीगंज थाना क्षेत्रक प्रसादी चौक पर ई-रिक्शा ट्रैक्टरसँ टकरा गेल। एहि दुर्घटनामे ई-रिक्शामे यात्रा करयवला पाँच गोटे गम्भीर रूपसँ घायल भऽ गेल। सभ घायलकेँ लगक मुरलीगंज पीएचसीमे भरती कराओल गेल। संजीत कुमारक इलाजक दौरान मृत्यु भऽ गेलनि। जखन कि अन्य घायलसभकेँ प्राथमिक उपचारक बाद बेहतर इलाजक लेल उच्च केन्द्रमे रेफर कऽ देल गेल अछि।
घायलक पहिचान कठौतिया निवासी सोनी देवी (४०), गुलशन कुमार (९), मीठी कुमारी (१) आ मनदीप मण्डल (२५) के रूपमे भेल अछि।
