बिहारक मुख्यमंत्री नीतीश कुमार सफाई कर्मीक हित आओर हुनक कल्याणक रक्षाक लेल महत्वपूर्ण कदम उठेलनि। ओ बिहार राज्य सफाई कर्मचारी आयोगक गठनक घोषणा कयलनि। एही आयोगक उद्देश्य स्वच्छता सफाई कर्मीक अधिकारक रक्षा केनाय, ओकर सामाजिक आ आर्थिक विकास, शिकायतक निवारण आ कल्याणकारी योजनाक निगरानी करनाय अछि।
मुख्यमंत्री अपन आधिकारिक एक्स हैंडल पर घोषणा कयलनि। नीतीश कुमार कहलनि जे इ आयोग सफाई कार्यकर्ताक लेल सरकारकेँ सुझाव देत, ताकि हुनक अधिकारक रक्षा भऽ सकए आ कल्याणकारी योजनाकेँ सही तरीकासँ लागू कयल जा सकय। ई आयोग पुनर्वास, सामाजिक उत्थान आ सफाई कार्यकर्ताक हितसँ जुड़ल मुद्दा पर काज करत। संगहि समाजक वंचित वर्गकेँ मुख्यधारासँ जोड़बामे एकर अहम भूमिका होयत।
बिहार राज्य सफाई करमचारी आयोगमे एकटा अध्यक्ष, एकटा उपाध्यक्ष आ पांच सदस्य रहत। एहिमे सँ एकटा सदस्य महिला वा ट्रांसजेंडर होएत। ई आयोग स्वच्छता कर्मीक समस्याकेँ समझत आओर हुनका लेल बेहतर नीति बनेबामे सरकारक मदद करत। एकर अलावा इ आयोग सफाईकेँ काजसँ जुड़ल लोककें लेल जारी योजनाक समीक्षा करत आ ओकरा प्रभावी ढंगसँ लागू करयकेँ लेल आवश्यक कदम उठायत।
