चुनाव आयोग आंकड़ा पेश करैत कहलक जे बिहारक 99.8% मतदाताक विशेष गहन संशोधनमे शामिल कयल गेल अछि। शेष मतदाताक सूची सभ दलक संग साझा कय देल गेल अछि।
चुनाव आयोग बिहार विधानसभा चुनाव 2025 सँ पहिने विशेष गहन संशोधनक प्रक्रिया लगभग पूरा कय लेलक अछि। निर्वाचन आयोग कहलक अछि जे एहि संशोधन प्रक्रियामे बिहारक 99.8 प्रतिशत मतदाताकेँ शामिल कयल गेल अछि। शेष 0.2 प्रतिशत मतदाताक सूची निर्वाचन आयोग सभ राजनीतिक दलक संग साझा कय देलक अछि। चुनाव आयोगक अनुसार बिहारक 7.23 करोड़ मतदाता सक्रिय भागीदारीक संग एसआईआर प्रक्रिया पर पूर्ण विश्वास व्यक्त कयने छथि। निर्वाचन आयोगकेँ 7.23 करोड़ मतदाताक फॉर्म भेटल अछि आओर ओकरा डिजिटाइज कय देल गेल अछि। एहि सभ मतदाताक नाम मतदाता सूचीक मसौदामे शामिल कएल जाएत। शेष मतदाताक फॉर्म आओर बीएलओ रिपोर्टकेँ डिजिटाइजेशन सेहो 1 अगस्त 2025 धरि पूरा भऽ जायत।
चुनाव आयोगक कहब अछि जे 20 जुलाईकेँ सभ 12टा मान्यता प्राप्त राजनीतिक दलकेँ ओहि मतदाताक सूची जे फॉर्म नहि भरने छथि वा मृत्यु प्राप्त कय चुकल छथि वा स्थायी रूपसँ दोसर ठाम पलायन कय गेल छथि, दऽ देल गेल अछि।
एहि सभ दलकेँ पठाओल गेल अछि मतदाताक सूची – बहुजन समाज पार्टी, भारतीय जनता पार्टी, भारतीय साम्यवादी पार्टी (मार्क्सवादी), भारतीय राष्ट्रीय कांग्रेस, राष्ट्रीय जनता दल, जनता दल (संयुक्त) राष्ट्रीय लोक समता पार्टी, भारतीय साम्यवादी पार्टी (मार्क्सवादी-लेनिनवादी) (मुक्ति), राष्ट्रीय लोक जनशक्ति पार्टी, लोक जनशक्ति पार्टी (राम विलास), नेशनल पीपुल्स पार्टी, आम आदमी पार्टी।
स्थानीय बीएलओ केर रिपोर्टक अनुसार करीब 22 लाख मृत मतदाताक नाम सूचीबद्ध कयल गेल अछि। करीब 7 लाख मतदाता छथि जिनकर नाम एकसँ बेसि जगह पर पंजीकृत अछि। करीब 35 लाख मतदाता तँ स्थायी रूपसँ पलायन कय गेल छथि वा हुनकर ठिकानाक पता नहि अछि। करीब 1.2 लाख मतदाताक गिनती फॉर्म एखनि धरि नहि भेटल अछि।
एसआईआर केर पहिल चरणक सफलताक श्रेय बिहारक मुख्य निर्वाचन अधिकारी, 38 जिला मजिस्ट्रेट (जिला निर्वाचन अधिकारी), 243 निर्वाचन पंजीकरण अधिकारी (ईआरओ), 2,976 सहायक ईआरओ, 77,895 मतदान केंद्र पर नियुक्त बीएलओ, स्वयंसेवक, सभ12 राजनीतिक दल, हुनकर 38 जिला अध्यक्ष आ हुनका द्वारा नामित 1.60 लाख बीएलए। एसआईआर केर आदेशक अनुसार 1 अगस्तसँ 1 सितंबर धरि कोनो भी मतदाता वा राजनीतिक दल कोनो पात्र मतदाताक नाम जोड़ला वा कोनो अयोग्य मतदाताक नाम हटाबय केर लेल संबंधित ईआरओकेँ निर्धारित फॉर्म भरि कय दावा वा आपत्ति जमा कय सकैत अछि।
