प्रधानमंत्री नरेंद्र मोदीक अध्यक्षतामे आर्थिक मामिलाक कैबिनेट समिति (सीसीईए) बुधदिन एनटीपीसी अक्षय ऊर्जा लिमिटेड आ ओकर अन्य संयुक्त उद्यम/सहायक कंपनीमे निवेश लेल २०,००० करोड़ रुपया धरिक खर्चक संग अक्षय ऊर्जा क्षमता स्थापित करय लेल एनटीपीसी लिमिटेडकेँ बिजली क्षमता बढ़ाबयवला आवंटनक मंजूरी देलक अछि।
मंत्रिमंडल महारत्न सीपीएसईकें बिजली आवंटन लेल मौजूदा दिशा-निर्देशसॅं एनटीपीसी लिमिटेडकें बिजली आवंटनमे वृद्धिक मंजूरी देल गेल ताकि ओकरा अपन सहायक कंपनी एनटीपीसी ग्रीन एनर्जी लिमिटेड (एनजीईएल) आ एकर बाद एनजीईएल एनटीपीसी अक्षय ऊर्जा लिमिटेड (एनआरईएल) आ ओकर अन्य संयुक्त उद्यम/सहायक कंपनीमे निवेश कयल जा सकय।
ई राशि 2032 धरि 60 जीडब्ल्यू हासिल करय लेल अक्षय ऊर्जा (आरई) क्षमता बढ़ावाकें लेल पहिने मंजूर सीमा 7,500 करोड़ रुपयासॅं बढ़ि कय 20,000 करोड़ रुपया होयत।
एकटा आधिकारिक बयानक अनुसार एनटीपीसी आ एनजीईएलकें देल गेल ई विस्तारित आवंटन देशमे अक्षय ऊर्जा परियोजनाकें तेजीसॅं विकासमे मदद करत।
कैबिनेटक एकटा नोट केर अनुसार, “ई डेग बिजली संरचनाकेँ मजबूत करयमे निवेश सुनिश्चित करत आ देश भरिमे चौबीसों घंटा विश्वसनीय बिजलीक उपलब्धता सुनिश्चित करयमे सहो अहम भूमिका निभाबयवला अछि।”
अक्षय ऊर्जा परियोजनासॅं निर्माण चरणक संग संचालन आ रखरखाव (ओ एंड एम) चरणक दौरान स्थानीय लोकक लेल प्रत्यक्ष आ अप्रत्यक्ष रोजगारकें अवसर सेहो पैदा होयत।
एहिसॅं स्थानीय आपूर्तिकर्ता, स्थानीय उद्यम/एमएसएमईकें बढ़ावा भेटत आ देशमे उद्यमिताक अवसर बढ़त। एकर अलावा देशमे रोजगार आ सामाजिक आर्थिक विकासकें सेहो बढ़ावा देल जायत।
भारत अपन ऊर्जा परिवर्तन यात्रामे अपन स्थापित बिजली क्षमताकें ५० प्रतिशत गैर-जीवाश्म ईंधन स्रोतसॅं प्राप्त कय एकटा महत्वपूर्ण मीलक पत्थर पार कयलक। देशक लक्ष्य अछि कि २०३० धरि ५०० गीगावाट गैर-जीवाश्म ऊर्जा क्षमता पहुँचायल जाय।
केंद्रीय सार्वजनिक क्षेत्र उद्यम आ देशक प्रमुख बिजली कंपनीक रूपमे एनटीपीसी केर लक्ष्य अछि कि 2032 धरि 60 जीडब्ल्यू अक्षय ऊर्जा क्षमता जोडल जाय, जाहिसॅं देशकें ई लक्ष्य प्राप्त करयमे मदद भेटत आ 2070 धरि ‘नेट जीरो’ उत्सर्जनक लक्ष्यक दिसि बढ़यमे मदद मिलत।
एनजीईएल जैविक आ अकार्बनिक विकासकें माध्यमसँ अक्षय ऊर्जा क्षमता जोड़यकें लेल एनटीपीसी समूहकें प्रमुख सूचीबद्ध सहायक कंपनी अछि।
