मुख्यमंत्री कलाकार पेंशन योजना आ मुख्यमंत्री गुरु शिष्य परम्परा योजनाकेँ काल्हि मंत्रिमंडलसँ मंजूरी भेटल।
बिहारमे मुख्यमंत्री कलाकार पेंशन योजना आओर मुख्यमंत्री गुरु शिष्य परंपरा योजनाकेँ काल्हि मंत्रिमंडलसँ मंजूरी भेटल अछि। ई फैसला काल्हि यानी मंगलदिन भेल कैबिनेट बैसारमे लेल गेल। राज्यक ग्रामीण आ शहरी क्षेत्रमे रहय वला पारंपरिक, शास्त्रीय, दृश्य आ प्रदर्शन कलासँ जुड़ल कलाकारकेँ 3000 रुपयाक मासिक पेंशन देल जायत। एकरा लेल विभाग चयन प्रक्रिया शुरू करत आ जिला स्तर पर प्राप्त आवेदनकेँ जिला समिति द्वारा समीक्षा कयल जायत, जकरा बाद ओकरा राज्य स्तरीय विभागीय समितिकेँ भेजल जायत।
एकटा आओर योजना “मुख्यमंत्री गुरु शिष्य परमपारा योजना” केर सेहो मंत्रिमंडल द्वारा मंजूरी देल गेल अछि। एकर तहत विलुप्त लोक कथा, लोक नाटक, लोक नृत्य, लोक संगीत, लोक वाद्ययंत्र, शास्त्रीय कला आ चित्रकलाक पढ़ाई लेल क्रमशः गुरु, संगीतकार आ शिष्यक लेल मासिक मानदेय रुपया 15000, रु. 7500 एवं रु. लगभग 3000 क्रमशः तय कयल गेल अछि। सरकारक एहि डेगसँ सबटा विलुप्त लोक कलाक उद्धार भऽ जायत।
मुख्यमंत्री नीतीश कुमारक अध्यक्षतामे कैबिनेट बैसारमे सीतामढ़ी जिलामे स्थित हिन्दू तीर्थ स्थल पुनौराधाम जानकी मंदिरक समग्र विकासक लेल 882 करोड़ रुपयासँ बेसी केर राशिक मंजूरी देल गेल अछि।
