ईरानक अयातुल्ला मकारिम शिराजी एकटा “फतवा” जारी कऽ अमेरिकी राष्ट्रपति डोनाल्ड ट्रम्प आ इजरायलक प्रधानमन्त्री बेंजामिन नेतन्याहूकेँ “भगवानक दुश्मन” कहलनि अछि। अयातुल्ला मकारिम शिराजी ईरानक शीर्ष शिया मौलवीसभमे सँ एक छथि। शीर्ष शिया मौलवी अपन फतवामे कहलनि, “कोनो व्यक्ति वा शासन जे नेता या मरजाकेँ धमकी दैत अछि, ओकरा उपरवालाक दुश्मन मानल जाइत अछि।”
प्राप्त समाचारक अनुसार, “रविकेँ अपन कार्यालयसँ एकटा बयानमे शिराजी दुनिया भरिक मुसलमानसभसँ एहेन धमकीक विरुद्ध कड़ा रुख अपनाबय केर आह्वान कयलनि।” शिराजी कहलनि अछि जे जँ कोनो मुसलमान जे अपन मुस्लिम कर्तव्यक पालन करैत अछि ओकरा अपन अभियानमे कठिनाई वा हानिक सामना करय पड़ैत अछि तँ ओकरा उपरवालाक मार्गमे योद्धाक रूपमे पुरस्कृत कयल जायत।”
फतवामे कहल गेल छैक कि मुसलमान वा इस्लामी देशक माध्यमसँ ओहि दुश्मनकेँ कोनो सहयोग वा समर्थन हराम वा निषिद्ध अछि। दुनियाभरिक सभ मुसलमान सभक लेल ई जरूरी अछि जे ओ एहि दुश्मन सभकेँ हुनक शब्द आ गलती पर पछतावा कराबथि।
रिपोर्ट सभक अनुसार ई फतवा राष्ट्रपति ट्रंप आ इजरायली अधिकारी सभक ईरानी सर्वोच्च नेता अयातुल्ला अली खामेनेईकेँ खिलाफ कथित धमकीक बाद आयल अछि। राष्ट्रपति ट्रंप हालहिमे कहने छलथि जे ओ खामेनेईकेँ ‘एकटा बहुत भयावह आ अपमानजनक मृत्यु’सँ बचा लेलथग। आ संगहि संग ट्रंप ईरानी सर्वोच्च नेता पर इजरायल पर जीतक बारेमे गलत ब्यान देबाक आरोप लगौने छलथि।
हालहिमे इजरायलक रक्षा मंत्री इजरायल कैट्ज एकटा इंटरव्यूमे
कहलनि जे ईरान संग अपन 12-दिनक संघर्षक दौरान, इजरायल खामेनेईकेँ खत्म करबाक कोशिश कयने छल, मुदा एहि ऑपरेशन केर अंजाम देबाक मौका कखनो नहि भेटल।
इजरायल 13 जूनकेँ ‘ऑपरेशन राइजिंग लॉयन’ शुरू कयलक, जेमा ईरानक प्रमुख सैन्य आ न्यूक्लियर एसेट्सकेँ निशाना बनाओल गेल।
एकर बाद दुनू देशक बीच संघर्ष बढ़ि गेल। जवाबी कारवाइमे, ईरान इजरायली शहर सभ पर आ बादमे कतर आ इराकमे अमेरिकी सैन्य ठिकाना पर मिसाइल हमला कयलक। तेहरानक एहग कदमसँ पूर्व फोर्डो, नतांज आ इस्फाहानमे ओकर न्यूक्लियर फैसिलिटी पर अमेरिकी हमला भेल छल। संघर्षक बारह दिन बाद ट्रंप दुनू देशक बीच युद्धविरामक घोषणा कयलनि।
