बिहारक मुख्य सचिव विभिन्न विभागक खाली पद सभकेँ जल्दी भरबाक आदेश देलनि। मुख्य सचिव अमृत लाल मीणा संबंधित विभागक नोडल अधिकारी संग बैसार कयलाह। एहिमे सभ विभागकेँ ऊर्जाक ज्यादा खपत रोकबाक लेल ऊर्जा ऑडिट करबाक निर्देश सेहो देल गेल अछि।
बिहारक करीब 10 विभागमे खाली पड़ल करीब 49 हजार 591 पद सभ भरबाक प्रयास जल्दी शुरू होबय जा रहल अछि। एहि मुद्दा पर मुख्य सचिव अमृत लाल मीणा सोमदिन मुख्य सचिवालयक सभागारमे संबंधित विभागक नोडल पदाधिकारी संग समीक्षा बैठक कयलाह। विभागक स्तर पर देल गेल प्रस्तुति द्वारा ई बात सामने आयल जे 10 विभागमे अलग-अलग पदक 49 हजार 591 रिक्ति उपलब्ध अछि। एहि केर भरबाक संबंधी प्रक्रिया जल्द संपूर्ण करबाक आदेश मुख्य सचिव द्वारा देल गेल।
बिहार सरकारक खाद्य आओर उपभोक्ता सुरक्षा विभाग, पंचायत राज, ग्रामीण विकास, जल संसाधन, कृषि, लघु जल संसाधन, पशु आओर मत्स्य संसाधन, सहकारिता, पर्यावरण, वन आओर जलवायु परिवर्तन आओर गन्ना उद्योग विभाग सभकेँ 14 हजार 968 पदके भरबाक लेल रिक्ति संबंधित आयोग सभकेँ भेजल गेल अछि। सात निश्चित-2 केर अंतर्गत विभागसभमे ई बहाल कएल जा रहल अछि।
मुख्य सचिव सभ विभाग केर ऊर्जा खपतक लेल ऑडिट करय केर निर्देशन देलनि । ताकि ऊर्जाक बेवजह खपतक कमी कयल जा सके। एकरा लेल सभ विभागकेँ एहि पर खास ध्यान देबाक लेल कहल गेल अछि। सभ सरकारी भवन आ कार्यालयमे ऊर्जाक खपत कम करए लेल एलईडीक उपयोग बढ़ाबए केर लेल कहल गेल अछि। सामान्य बल्बक मुकाबला एकर उपयोगसँ ऊर्जाक खपतमे 80 फीसदीक कमी आएत। एकर अलावा हीटिंग आ कूलिंगक मशीन सभकेँ प्रभावी तरीकासँ उपयोग करए लेल कहल गेल अछि। सरकारी स्कूल आ अस्पतालमे सेहो ऊर्जा ऑडिट कराकय सभ बिजलीक अधिक खपतकेँ कम करए केर पहल करय लेल कहल गेल अछि। मुख्य सचिव अमृत लाल मीणा सभ विभागकेँ सख्त निर्देशन देलनि कि दोषी वा खराब कार्य करए वला अधिकारी पर सख्त कार्यवाही कयल जाय। एहेन पदाधिकारीकेँ चिन्हित कए तत्क्षण विभागीय कार्यवाही होय, ताकि भय बनल रहए।
ओ अधिकारि समकेँ वायरल वीडियोक मामिलामे ठोस कार्यवाही करबाक लेल एकटा एसओपी (मानक संचालन नियमावली) तैयार करबाक निर्देश सामान्य प्रशासन विभागकेँ देलनि। मीणा विभाग सभकेँ ईहो निर्देश देलन्हि कि केंद्रीय योजना मदमे आवंटित राशिक पूरा व्यय करू। मुख्य सचिव सभ विभाग सभसँ लंबित मुकदमा सभकेँ निपटारा जल्दी करबाक लेल कहलनि। मुकदमा कोन कारणे लंबित अछि आ एकदम फोकस तरीकासँ निपटारा करबाक लेल कदम उठाबए लेल कहला।
