गृह मंत्री अमित शाहक बस्तर दौरा केर दौरान, तेलंगानामे 86 नक्सली हथियार डालि देलनि। छत्तीसगढ़मे प्रतिबंधित सीपीआई (माओवादी) केर कुल 86 सदस्य शनिचर क’ तेलंगानाक भद्रादी कोठागुडेम जिलामे हेमचंद्रपुरम पुलिस मुख्यालय पहुँचलाह, जतय ओ सब पुलिसक समक्ष आत्मसमर्पण कयलनि। आत्मसमर्पण कयनिहारमे 20 महिला सेहो छथि।
चार एरिया कमेटी सदस्य (एसीएम) सहित 86 माओवादी नक्सलवाद केर हिंसक रास्ता छोड़बाक निर्णय कयलनि, कारण ओ अपन परिवारक संग शांति पूर्वक जीवन जीबय चाहैत छथि।
एकटा आधिकारिक विज्ञप्ति केर अनुसार, नक्सली सभ मल्टी जोन-1 केर पुलिस महानिरीक्षक (आईजीपी) एस चंद्रशेखर रेड्डी केर समक्ष आत्मसमर्पण कयलनि। विज्ञप्ति केर अनुसार, आत्मसमर्पण कयनिहारकेँ तात्कालिक सहायता स्वरूप 25 हजार रुपये देल गेल। चारू एरिया कमेटी सदस्य पर चारि-चारि लाख रुपयाक इनाम छल।
भद्रादी कोठागुडेम जिलाक पुलिस अधीक्षक (एसपी) बी रोहित राजू कहलनि कि चारू एरिया कमेटी सदस्य (एसीएम) पर चारि-चारि लाख रुपैया केर इनाम छल। ओ कहलनि कि नक्सली सभ ‘ऑपरेशन चेयुथा’क अंतर्गत आत्मसमर्पण कएलक अछि। ओ कहलनि कि सभ नक्सली आदिवासी समुदायक लेल होबयबाला विकास आ कल्याणकारी पहलक विषयमे जानलाक आ तकर बाद आत्मसमर्पण करबाक निर्णय लेलनि। एहि
पुलिसक अनुसार, एहि वर्षमे एखन धरि विभिन्न कैडरक 224 नक्सली पुलिसक समक्ष आत्मसमर्पण कए चुकल अछि। ओ कहलनि कि प्रतिबंधित सीपीआई(एम) पुरान विचारधारा पर काज करैत अछि। आदिवासी लोकनिक बीच विश्वास आ समर्थन गमेलाक बाद उग्रवादी सभ मुख्यधारामे शामिल होयबाक निर्णय लेलनि।
तेलंगाना पुलिस अपील कयलक अछि जे आत्मसमर्पण करबाक लेल निकटतम थानामे जाउ। तेलंगाना पुलिस माओवादी सभसँ अपील कएलक अछि जे जे आत्मसमर्पण करए चाही, ओ अपन परिवारक सदस्यक माध्यमसँ वा व्यक्तिगत रूपसँ अपन निकटतम थान वा जिला अधिकारीक लग आत्मसमर्पण कऽ सकैत अछि।
