पटना समेत 8 जिलाक लोक सावधान, लू केर अलर्ट जारी

पटना समदिया
*

बिहारमे गर्मीक तेवर बरकरार अछि। पटना सहित 8 जिलामे लू चलबाक आसार अछि। मौसम विभाग केर तरफसँ एडवाइजरी जारी कएल गेल अछि। आगाँक तीन दिन गर्म मौसम केर स्थिति बनल रहत। बिहारमे गर्मी केर सितम जारी अछि। तापमान 40 डिग्री सेल्सियस पार कय रहल अछि। उमस भरल गर्मी केर बाद रातिमे पारा लुढ़कि जाइत अछि। हालाँकि, रातिमे छिटपुट वर्षाक कारण आंशिक राहत रहैत अछि। कतेको जिलाक पारा 40 डिग्रीकेँ पार जा चुकल अछि। मौसम विभागकेँ कहब अछि जे उमस आ गर्म हवासँ आब फिलहाल राहत नहि भेटय वला अछि। अधिकतम तापमान 40-43 डिग्री सेल्सियस केर बीच रहत।

गरमीसँ बचाव लेल लोककेँ सावधानी बरतयकेँ सलाह देल गेल अछि। पश्चिम चंपारण, पूर्वी चंपारण, गोपालगंज, भागलपुर, पटना, शेखपुरा, छपरा आ बांका जिलाकेँ लेल येलो अलर्ट जारी भेल अछि। दोसर दिसि, बक्सर, भोजपुर, रोहतास, भभुआ, औरंगाबाद, अरवल, सीतामढ़ी, शिवहर, मुजफ्फरपुर, वैशाली, मधुबनी, दरभंगा, समस्तीपुर, सिवान, जमुई, मुंगेर, खगड़िया, गया, जहानाबाद, नालंदा, नवादा, लखीसराय, बेगुसराय, सहरसा, मधेपुरा, सुपौल, अररिया, पूर्णिया जिलाक मौसम सेहो बहुत गरम रहयवाला अछि।

भोरसँ सूरज आगिक गोला जँका बरसैत रहत। पूर्वानुमानक अनुसार, उमस आ तेज रौदसँ लोकक परेशानी बढ़ि सकैत अछि। आसमानसँ सूरज आगिक गोला बरसाबैत रहत। तेज धूप सुबहसँ बरकरार रहत। दिनक तापमान 40 डिग्री सेल्सियसकेँ पार जा सकैत अछि। मौसम विभागक तरफसँ जारी अपडेटक अनुसार, रविवार (11 मई, 2025) केँ गया बिहारक सबसँ गर्म जिला रहल। अधिकतम तापमान गयामे 41 डिग्री सेल्सियस पार कऽ गेल। अन्य जिलाक बीच सेहो पारा 40-41 डिग्री सेल्सियसक बीच बनल रहल। मौसम विभागक अनुसार आगाँ तीन दिन धरि लोककेँ गर्मीसँ राहत नहि भेटत। 15 मईसँ मौसमक मिजाज एक बेर फेर बदलि जायत। तेज हवाकेँ संग बारिशक संभावना अछि। मानसूनक सेहो एंट्री बिहारमे समयसँ पहिने भऽ सकैत अछि।