बिहार सरकार चुनावी सालमे पैघ पैमाना पर आईएएस अधिकारी सभक तबादला कएलक अछि। पटना सहित 18 जिलाक डीएम बदलल गेल अछि। एकर संग 6 प्रमंडलक कमिश्नर सेहो बदलल गेल अछि। एकरा लेल सामान्य प्रशासन विभागक दिसिसँ अधीसूचना जारी कएल गेल अछि।
गया केर डीएम त्यागराजन एसएमकेँ पटनाक डीएम बनाओल गेल अछि। राज्य परिवहन आयुक्त नवीन कुमारकेँ खगड़ियाक डीएम बनाओल गेल अछि। सुपौलक डीएम कौशल कुमारकेँ दरभंगाक डीएम बनाओल गेल अछि। निदेशक अर्थ आ सांख्यिकी योजना आ विकास विभाग बिहारक डॉक्टर विद्यानंद सिंहकेँ आगाँक आदेश धरि बक्सरक डीएम बनाओल गेल अछि।
बंदोबस्त पदाधिकारी मुंगेर सुनील कुमारकेँ आगाँक आदेश धरि भभुआ कैमूरक डीएम बनाओल गेल अछि।
दरभंगाक डीएम राजीव रौशनकेँ तबादला आयोग सारण प्रमंडल छपराक पद पर कएल गेल अछि। पटनाक डीएम चंद्रशेखर सिंहकेँ आयुक्त पटना प्रमंडलक पद पर तबादला कएल गेल अछि। मुंगेरक डीएम अवनीश कुमार सिंहकेँ मुंगेर प्रमंडलक कमिश्नर बनाओल गेल अछि। पूर्णियाक डीएम कुंदन कुमारकेँ अगिला आदेश धरि नालंदा बिहार शरीफक डीएम बनाओल गेल अछि। मधुबनीक डीएम अरविंद कुमार वर्माकेँ अगिला आदेश धरि मुंगेरक डीएम बनाओल गेल अछि।
निदेशक पंचायती राज विहार आनंद शर्माकेँ अगिला आदेश धरि मधुबनीक डीएम बनाओल गेल अछि। अपर सचिव संसदीय कार्य विभाग नवीनकेँ अगिला आदेश धरि जमुई केर डीएम बनाओल गेल अछि।
कॉम्फेड केर प्रबंध निर्देशक राजकुमारकेँ तिरहुत प्रमंडल मुजफ्फरपुरक कमिश्नर बनाओल गेल अछि। समिति समेकित बाल विकास सेवाक निदेशक कौशल किशोरकेँ दरभंगाक कमिश्नर बनाओल गेल अछि। योजना विकास विभागक सचिव हिमांशु कुमार रायकेँ भागलपुरक कमिश्नर बनाओल गेल अछि। अपर सचिव नगर विकास एवं आवास विभाग वर्षा सिंहकेँ अगिला आदेश धरि हाजीपुर वैशाली केर डीएम बनाओल गेल अछि। बांका केर डीएम अंशुल कुमारकेँ अगिला आदेश धरि पूर्णियाक डीएम बनाओल गेल अछि। विकास आयुक्त कार्यपालक पदाधिकारी मधुबनी दीपेश कुमारकेँ अगिला आदेश धरि सहरसाक डीएम बनाओल गेल अछि।
प्रबंध निदेशक बिहार चिकित्सा सेवा आ आधारभूत संरचना निगम लिमिटेड धर्मेंद्र कुमारकेँ अगिला आदेश धरि पश्चिम चंपारण बेतियाक डीएम बनाओल गेल अछि। निदेशक पशुपालन बिहार नवदीप शुक्लाकेँ अगिला आदेश धरि बांकाक डीएमक पद पर स्थापित कएल गेल अछि। अपर सचिव जल संसाधन विभाग बिहार पवन कुमार सिन्हाकेँ अगिला आदेश धरि गोपालगंजक डीएम बनाओल गेल अछि। नालंदा बिहार शरीफक डीएम शशांक शुभंकरकेँ अगिला आदेश धरि गया केर डीएम बना देल गेल अछि। अपर सचिव स्वास्थ्य विभाग पटना आदित्य प्रकाशकेँ अगिला आदेश धरि सिवानक डीएम बना देल गेल अछि। भभुआ कैमूर केर डीएम सावन कुमारकेँ अगिला आदेश धरि सुपौलक डीएम बनाओल गेल अछि।
