२०२५ केर पहिल दू दिनमे अमेरिकामे तीनटा आतंकी हमला भेल अछि, जाहिमे १६ गोटे मारल गेल आ दर्जनों घायल भऽ गेल अछि।जांचकर्तासभ न्यू ऑरलियन्सक हमला आ टेस्ला विस्फोटक बिन्दुकेँ जोड़ि रहल छथि, ओ सभ अनुमान लगा रहल छथि जे ई घटना मात्र संयोग अछि वा कोनो पैघ, समन्वित षड्यंत्रक हिस्सा अछि।
बुधदिन भेल पहिल हमला, जे आईएसआईएससँ प्रेरित हमलावर द्वारा कयल गेल छल आ जाहिमे १५ गोटे मारल गेल छल जकरा आतंकवादक कृत्यक रूपमे जाँच कयल जा रहल अछि। किछु घंटाक बाद, लास वेगासमे ट्रम्प टॉवर लग एकटा टेस्ला साइबरट्रकमे विस्फोट भेल, अधिकारीसभ जाँच कयलनि जे दुनू घटना जुड़ल अछि कि नहि।
तेसर हमलामे, बुधदिन राति न्यूयॉर्कक एकटा नाइट क्लबमे भेल गोलीबारीमे सौभाग्यसँ कियो हताहत नहि भेल।
यद्यपि, अनेक विवरण, जेना साइबरट्रक विस्फोटक स्थान, एकटा सामान्य वाहन किराया एजेंसी, न्यू ऑरलियन्सक घटनामे आईएसआईएसक झण्डा, आ एलोन मस्क, व्हाइट हाउस, आ अन्य कानून प्रवर्तन एजेंसीसभक बयान, बढ़ैत बेचैनी आ अटकलसभकेँ जोड़ि देखल जा रहल अछि जे ई घटना मात्र संयोग अछि वा कोनो पैघक संयन्त्रक हिस्सा अछि।
एहि घटनासभमे सभसँ भयावह घटना न्यू ऑरलियन्सक पहिल घटना छल। नव वर्षक किछु घंटाक बाद उत्सवक क्रममे न्यू ऑरलियन्सक बोर्बन स्ट्रीटमे भयावह हमला भेल। एकटा सन्दिग्ध, जकर पहिचान आब शमसूद-दीन जब्बारक रूपमे भेल अछि, किरायाक फोर्ड एफ-१५० लाइटनिंग ट्रक भीड़मे घुसा देलक, जाहिमे कमसँ कम १५ लोकक मृत्यु भऽ गेल आ ३५ गोटे घायल भेल।
जनतब अछि जे जब्बार आ लास वेगासमे ट्रम्प इंटरनेशनल होटलक बाहर टेस्ला साइबरट्रककेँ उड़ाबयवला व्यक्ति ओही सैन्य अड्डामे नौकरी करैत छल।
न्यू ऑरलियन्सक मेयर लाटोया कैंट्रेल आ एफबीआईक अनुसार, न्यू ऑरलियन्समे भेल हमलाक जाँच “आतंकवादी हमला”क रूपमे कयल जा रहल अछि, जाहिमे संदिग्ध “बहुत जानिबूझ कऽ व्यवहार”क प्रदर्शन कऽ रहल अछि जकर उद्देश्य अधिकतम हताहत होयब छैक। एफबीआई इहो कहलक जे हमलावरक वाहनक भीतर आतंकी समूह इस्लामिक स्टेट (आईएस)क झंडा भेटल छल।
बाइडेन कहलनि अछि जे जांचकर्ता एहि बातक जाँच कऽ रहल छथि जे की ई हमला संभवतः लास वेगासमे ट्रम्प होटलक बाहर टेस्ला साइबरट्रकक विस्फोटसँ जुड़ल अछि, जे किछु घंटाक बाद भेल छल।
न्यू ऑरलियन्स हमलामे प्रयुक्त टेस्ला साइबरट्रक आ फोर्ड ट्रक दुनूकेँ तुरो एपक माध्यमसँ किरायापर देल गेल छल। टेस्लाक मुख्य कार्यकारी अधिकारी एलन मस्क पुष्टि कयलनि जे विस्फोट वाहनक बैटरीसँ सम्बन्धित नहि छल बल्कि ट्रकमे लऽ जायवला विस्फोटक सामग्रीक कारण भेल छल।
एलोन मस्कक कंपनी द्वारा निर्मित टेस्ला साइबरट्रकक विस्फोट उद्घाटनसँ किछु सप्ताह पहिने लास वेगासमे ट्रम्पक प्रीमियम सम्पत्तिक लग विस्फोट निश्चित रूपसँ प्रश्न उठबैत अछि जे की ई हमला मात्र संयोग छल।
