रैलीमे यूनाइटेड किंगडम, ऑस्ट्रेलिया, रूस आ जापान सहित भारतक १३ राजनयिक मिशनक २५ प्रतिनिधि सेहो उपस्थित रहलाह।
भाजपाक विदेश कार्यालयक प्रभारी डॉ. विजय चौथाईवाले एकटा वक्तव्यमे कहलनि, “भारतक लोकतंत्रक सबसँ पैघ उत्सव लोकसभा चुनावक चलि रहल समारोहक बीच, भारतमे १३ राजनयिक मिशनक २५ प्रतिनिधि १८ मईकेँ दिल्लीमे प्रधानमंत्री नरेन्द्र मोदीक रैलीमे जनताक उत्साहक अनुभव करत।
ऑस्ट्रेलिया, बांग्लादेश, भूटान, इंडोनेशिया, जापान, मॉरीशस, नेपाल, रूस, सेशेल्स, सिंगापुर, श्रीलंका, थाइलैंड आ ब्रिटेनक राजनायिक मिशनक २५ टा प्रतिनिधि भाजपाक चुनाव अभियानक जायजा लेबय, पीएम मोदीक भाषण सुनय आ रैलीमे आबयवला लोकक उत्साहक अनुभव प्रत्यक्ष रूपसँ करय लेल रैलीमे भाग लेलनि।
ई भाजपाक राष्ट्रीय अध्यक्ष जेपी नड्डा द्वारा पार्टीक स्थापना दिवस पर शुरू कयल गेल ‘भाजपा को जानो’ अभियानक हिस्सा अछि। एहि अभियानक अन्तर्गत जतय राजनयिक समुदायक सङ्ग-सङ्ग विभिन्न देशक राजनीतिक दलसभकेँ भारतक लोकतांत्रिक प्रक्रियाक जीवंत आ गतिशील प्रकृतिकेँ प्रत्यक्ष रूपसँ देखबाक अवसर भेटैत अछि, ओतहि भाजपा एकटा राजनीतिक दलक रूपमे दुनियाक अन्य देशमे काज करयवला राजनीतिक दलक नेतासभकेँ सेहो अवसर प्रदान करैत अछि। भारतमे काज करयवला राजनायिक आ राजनयिक मिशनक प्रतिनिधिसभक सङ्ग विचारक आदान-प्रदान कऽ सम्बन्धकेँ मजबूत करबाक प्रयास करैत अछि।