बिहारमे पुलिस अधिकारीक पैघ पैमाना पर तबादला भेल अछि। एकर अधिसूचना बिहार गृह विभाग द्वारा जारी कएल गेल अछि।
एहि साल अक्टूबर-नवंबरमे बिहारमे विधानसभा चुनाव हेबाक संभावना अछि। एहिसँ पहिने बिहार सरकार बृहस्पतिकेँ भारतीय पुलिस सेवा (आईपीएस) केर छहटा अधिकारीक तबादला कय देलक। एकर अलावा 26टा पुलिस उप अधीक्षकक सेहो तबादला कएल गेल अछि। एकर अधिसूचना बिहार गृह विभाग द्वारा जारी कएल गेल अछि।
गृह विभागक अधिसूचनाक अनुसार 2021 बैच आईपीएस अधिकारी मोहिबुल्लाह अंसारीकेँ पटना सिटी अनुमंडल पुलिस अधिकारी (एसडीपीओ)-1 सँ हटा कय एसडीपीओ-2 केर कानून व्यवस्थाक जिम्मेदारी देल गेल अछि। जखनि कि सहायक पुलिस अधीक्षक वैशाली शैलाजाकेँ आगूक आदेश धरि हिलसा (नालंदा) एसडीपीओ-1 केर रूपमे भेजल गेल अछि।
तहिना संकेत कुमारकेँ सारणसँ रोहतास (विक्रमगंज) एसडीपीओ बनाओल गेल अछि आ सहायक पुलिस अधीक्षक मुजफ्फरपुर गरिमाकेँ सरैयाक एसडीपीओक जिम्मेदारी देल गेल अछि। आईपीएस अधिकारी आ बेगूसरायक सहायक पुलिस अधीक्षक साक्षी कुमारीकेँ बेगूसरायक बलियाक एसडीपीओक जिम्मेदारी देल गेल अछि आओर दरभंगाक सहायक पुलिस अधीक्षक कोमल मीनाकेँ पटनाक मसौरही एसडीपीओ-1 केर जिम्मेदारी देल गेल अछि।
