विश्व कप टूर्नामेंट ७ मार्चसँ शुरू होयत आ १२ मार्च धरि चलत। एहि आयोजनकेँ सफल बनेबाक लेल बिहार सरकार आ कबड्डी संगठन मिलिकऽ काज कऽ रहल अछि। विश्व कप महिला कबड्डी टूर्नामेंट बिहारक नालन्दाक राजगीर खेल परिसरमे आयोजित कयल जायत। भारतीय कबड्डीक शौकीन लोकनि एहि बातसँ रोमांचित छथि। एहि टूर्नामेंटमे १५ देशक टीम भाग लेत। खेलाड़ी आ दर्शक दुनू लेल नीक सुविधा सुनिश्चित करबाक लेल एहि ऐतिहासिक महिला विश्व कपक तैयारी जोर-शोर सँ चलि रहल अछि। बिहार सरकार आ कबड्डी संगठन एहि आयोजनकेँ सफल बनेबाक लेल सहयोग कऽ रहल अछि।
राजगीर खेल परिसरमे खेलाड़ीसभक लेल विशेष सुरक्षाक व्यवस्था कयल जा रहल अछि। हुनका लोकनिक आवास आ भोजनक लेल आवश्यक व्यवस्था कयल जा रहल अछि। एहि महिला कबड्डी विश्व कपमे भारत, पाकिस्तान, पोलैंड, रोमानिया, केन्या, युगांडा, अर्जेंटीना, ईरान, चीनी ताइपे, नेपाल, जापान, कोरिया, थाईलैंड, इंडोनेशिया, आ बांग्लादेशक टीम भाग लेत।
मुदा, एहि टूर्नामेंटमे पाकिस्तानी टीमक भागीदारीकेँ लऽ कऽ एखनो सन्देह अछि। जँ पाकिस्तानी टीम भाग लैत अछि तँ एक बेर फेर एकटा रोमांचक मैच देखल जायत। राजगीर खेल परिसरमे इनडोर आ आउटडोर खेलक लेल सभ सुविधा उपलब्ध अछि।
उल्लेखनीय अछि जे राजगीर एकटा अन्तर्राष्ट्रीय पर्यटन स्थल अछि जतय प्रतिदिन प्रत्येक देशसँ पर्यटक घुमबाक लेल अबैत छथि। एतय राजगीर खेल परिसरक निर्माण कयल गेल अछि। एहि महिला कबड्डी विश्व कप देखबाक लेल दर्शक लेल विशेष सुविधा सेहो देल जायत। एकरा लेल विशेष तैयारी चलि रहल अछि।
एहिसँ पहिने बिहारक मुख्यमंत्री नीतीश कुमार राजगीरक ऐतिहासिक भूमि पर एशियाई महिला हॉकी चैंपियंस ट्रॉफी २०२४क उद्घाटन कयलनि। २०२४मे भारत राजगीर हॉकी स्टेडियममे चीन’क टीमकेँ १-० सँ हराकऽ महिला एशियाई चैंपियंस ट्रॉफी जीतलक।
