भाजपा नेता दिलीप कुमार जायसवाल सेहो कैगक रिपोर्ट पर प्रतिक्रिया देलनि। ओ कहलनि जे भ्रष्ट लोक जिनकर चेहरा पर ईमानदारीक मुखौटा छल, ओ आइ बेनकाब होएत।
बिहार भाजपाकेँ प्रदेश अध्यक्ष दिलीप कुमार जायसवाल राजद नेता तेजस्वी यादवक बयान पर पलटवार कयलनि। बृहस्पति (27 फरवरी) केँ पटनामे ओ कहलनि, “एकटा बात हुनका (तेजस्वी यादव) याद रखबाक चाही जे की हुनकर राजदक कार्यकालमे केकरो आरक्षण भेटल ? दोसर दिसि जखनि नीतीश कुमार आरक्षण देलनि तखनि ओ सभ विरोध कए रहल छथि ? चारा घोटालामे सजा भेटल नेतासँ पैघ ‘आदमखोर’ के भऽ सकैत अछि ?
दिल्ली विधानसभा पर ओ कहलनि कि आइ ओपन चर्चा होएत आ ओ (अरविंद केजरीवाल) भ्रष्ट व्यक्ति जे ईमानदारीक मुखौटा पहिरने छलाह ओ आइ बेनकाब होयत आ भ्रष्ट पकड़ल जायत।
जनतब अछि जे पिछला बुधवार (26 फरवरी) तेजस्वी यादव एक्स पर एकटा पोस्ट कयलथि। ओहिमे ओ लिखलनि, “आदमखोर जकाँ भाजपा आरक्षण भक्षक आ आरक्षण चोर अछि।”
एहिसँ पहिने भाजपा नेता दिलीप कुमार जायसवाल आ राजदक बीच रस्साकशी भेल छल। वास्तवमे दिलीप जायसवाल पछिला बुधदिन राजस्व आ भूमि सुधार मंत्रीक पदसँ इस्तीफा दऽ देलनि। राजद एक्स पर पोस्ट कयने छल, जाहिमे हुनकर इस्तीफा पत्रमे लिखावटक त्रुटिक दिसि इशारा कयल गेल छल।आरजेडी गलतीक संबंधमे कहलक, “ओ भाजपाक प्रदेश अध्यक्ष छथि। ओ मंत्री सेहो छलाह। दुनियाक सबसँ पैघ दलक अध्यक्ष आ मंत्री दू पंक्तिक इस्तीफा सेहो नहि सही लिखि सकैत छथि। ओ बिहार सेहो ठीक-ठीक नहि लिखि सकलाह ? ओ एकटा मेडिकल कॉलेजक मालिक सेहो छथि।
राजदक पोस्टक जवाबमे दिलीप कुमार जायसवाल लिखलनि, “जे आइ हमर वर्तनी देखि रहल छथि, हम हुनका कहब जे वर्तनीक गलती सुधारल जा सकैत अछि, मुदा राजदक जंगलराजक दाग कहियो मेटायल नहि जा सकैत अछि। जे गलती पकड़य लेल एतेक उत्सुक छथि हुनका पहिने अपन डिग्री देखबाक चाही। जनताकेँ बताउ जे राजद’क पूरा शासन एकटा भूल छल, एहिमे कतेक गलती छल।
