बाबू वीर कुंवर सिंह जयंतीक सफलतापूर्वक आयोजन रमेश झा महिला महाविद्यालय द्वारा 4 बिहार बालिका बटालियन केर तत्वावधानमे कयल गेल। जकरा तहत एनसीसी कैडेट सब वीर कुंवर सिंह चौक पर स्थापित मूर्तिकेँ माला पहिरा श्रद्धा सुमन अर्पित कयलनि। संग-संग जनताकेँ सेहो संदेश देल गेल जे हमरा सबकेँ सदिखन अपन महान पुरुष आ स्वतंत्रता सेनानीसँ प्रेरित रहबाक चाही आ देशक प्रति हुनकर बलिदान आ साहस सदा याद रहबाक चाही। अपन समाज आ देशक प्रति कर्तव्यनिष्ठ रहू। संगहि बाबू वीर कुंवर सिंह जीक जीवनसँ सीखबाक चाही जे उम्र कहियो हमर सबहक हिम्मतकेँ कम नहिं कऽ सकैत अछि। जँ हमरा सबकेँ देशक लेल किछ करय केर जुनून अछि। एहि कार्यक्रमक अध्यक्षता प्रधानाध्यापक डॉ. राजीव सिन्हा, कमांडिंग ऑफिसर कर्नल रणधीर सतीश डी, केयर टेकर डॉ. पूजा कुमारी आ सूबेदार संतोष प्रधान कयलनि।कार्यक्रमक सफल संचालनमे हवलदार परमानंद, हवलदार विश्वजीत, जीसीआई दीक्षा, एवं प्रिया आ एनसीसी कैडेट मुख्य रूपसँ कैडेट निशा, पूनम, सुलेखा, खुशबू, पुनीता, स्वीटी, प्रियंका, नवदुर्गा, मुस्कान, रूपम, रानी, खुशबू, अंशु, भारती, नेहा ऋचा, अनुपम, शिवानी, रोशनी, नेहा आदि शामिल छलथि।
